ازاي أنسق رسالتي لطلاب الدراسات العليا


ازاي اعمل رسالتي تبدأ بحروف أبجدية (أ، ب، ج،..) ثم الأرقام (1، 2، 3...)

أو (A, b, c ….) ثم (1, 2, 3) على الـ word

ركزوا في الصور:
==========
أولاً: هترقم الصفحات اللي ف البداية بحروفها الأبجدية عادي جدا زي اللي ف الصورة رقم 1، واللي بتوضح ازاي تعمل ترقيم حروف أبجدية أو a, b, c
ثانيًا: هتقف عند الصفحة اللي هتبدأ فيها بالترقيم (1، 2، 3...) وهتختار اللي ف القائمة رقم 2 وده معناه انك بتبدأ صفحات جديدة فتقدر تغير بداية الترقيم فيها براحتك..
ثالثًا: بعد ما تعمل الخطوة الثانية، تبدأ بالخطوة الثالثة اللي ظاهرة في الصورة رقم 3 واللي هتخلي ترقيم الصفحات بداية من الصفحة اللي انت واقف عليها واللي عملتلها الخطوة التانية هتخليها ارقام .. ركزوا في خطوات الصورة:
أول حاجة هتفتح القائمة الخاصة بالترقيم، بعد كدة هتختار الترقيم أبجدي (1، 2...) بعد كدة هتختار انك تبدأ برقم 1 ثم تضغط أوك..
ملحوظة - تم تعديلها - : 
لو اول صفحات مش عاوزين ليها ترقيم نهائي الغلاف والشكر والاهداء ...
هنمشي عادي جدا من غير ما نرقم اول كام صفحة بعد كدة تعمل الخطوة التانية فوق عند الصفحة ال هتبدأ منها الترقيم .. وتكمل الخطوات وترقم زي ما انت عايز عادي جدا ... 
لكن هتلاحظ ان في ترقيم عند الصفحات ال مش عايز ليها ترقيم فهتضغط اتنين كلك من فوق او اسفل الصفحة عشان يظهر زي الصورة ال ف الكومنت وتضغط على link to previous هتلغي الترابط بين الصفحات فتقدر تعمل delete للارقام ال فيها عادي جدا مش هيأثر ع اللي بعدها ...
ملحوظة أخرى:
لو الجامعة من اللي بيقبلوا أو بيطلبوا كتابة اسم الفصل في الصفحة من فوق، الخطوة التانية بتفيدك ف الموضوع ده، بانك مع بداية كل فصل هتعمل نفس الخطوة دي عشان تقدر تغير اسم الفصل من فوق، لكن مع اضافة خطوة تاني لو محتاجنها انزلها بوست آخر بالصور إن شاء الله او انزلها ف التعليقات ..
يارب تكونوا استفدتوا وفقكم الله جميعا .. 




منقول من أرجو رحمتك‎




مواضيع قد تهمك

جديد قسم : الدراسات العليا