ازاي اكتب المراجع بكل سهولة ؟؟؟

اول حاجة عن طريق اختصار كتابة المراجع Ctrl + Alt + F

بمجرد ما تضغط الاختصار ده هتلاقي تم إضافة المرجع

============

طيب ازاي اضع اقواس للمرجع؟

هاجي قبل الرقم واعمل Shift + علامة القوس مفتوح .. وبعد الرقم علامة القوس المقفول زي ف رقم 1 ف اول صورة 

=============

طيب ليه لما بعمل مرجع بين قوسين بيكون القوسين كبار زي رقم 2 ف نفس الصورة.. ازاي اخلي الاقواس صغيرة؟

طريقة سهلة: بعد ما تضيف المرجع وتضعه بين الأقواس: تحدده زي ف الصورة 3 ثم تضغط 

(كنترول + شيفت + = ) زي ف الصورة رقم 4

=============

هو انا كل مرة لازم اضيف المرجع واعمل الاقواس واضبط الخط ووو 

مفيش اختصار لكل ده ؟؟

طبعااا في::

هنعمل اختصار بمجرد ما تضغط عليه تلاقي المرجع اتحط بأقواسه بتنسيقه بكل شيء 

طيب ازاي؟ 

هنعمل الخطوات ال فوق دي ف كتابة المرجع اول مرة بس

وف الهامش ال تحت نضبط المرجع بحجم ونوع الخط ال هنمشي عليه زي ف الصورة رقم 5

ومنكتبش اي حاجة ف المرجع غير لما نخلص الخطوات

بعد كدة هنضيف اختصار للمرجع بحيث ان كل ما اعمل الاختصار ده يتضاف علامة المرجع: 

ازاي؟

هنحدد المرجع .. ثم من قائمة file نختار option ونمشي ع خطوات الصورة 6 ثم 7 

في الصورة ال 7 هنضيف الاختصار ال عاوزين نضيفه.. انا هنا ضايفة **/ بحيث أن اول ما اضيف الاختصار ده يتعمل المرجع . ضيف الاختصار واضغط Add ثم ok ثم ok

وبكدة بكل بساطة بمجرد ما تكتب الاختصار **/ وتعمل مسافة بالمسطرة تلاقيه تحول لعلامة المرجع.. 

=================

طيب بتقف أمامي مشكلة السطر ال فوق المراجع ف الهامش لما يكون يمين وعاوزه شمال، أو العكس، نعمل اي؟

اتبع الخطوات في الصور من 8 و9 و10 و11

===============

طيب ازاي نعمل ترقيم المراجع لكل صفحة بيبدأ من جديد مش مستمر، يعني الصفحة فيها 3 مراجع واللي بعدها 2 يبقى الترقيم 1، 2، 3 وبداية الصفحة التانية 1، 2 .. مش 4 ، 5 

في الصورة رقم 12 بتوضح ده هنعمل كلك يمين عند المراجع اللي ف الهامش تحت، ونختار خيارات، ونختار الترقيم لكل صفحة.

=============

اتمنى تكونوا استفدتم ..

كام نقطة مهمة -لعل حد محتاجهم-:

1. بالنسبة لتوثيق المرجع وطريقة كتابته فمعروف ان في كذا منهج، ال بيبدأ باسم الكتاب، وال بيبدأ باسم المؤلف أو اسم الشهرة ووو لكن النقطة المهمة ان الطريقة أو المنهج اللي هتمشي عليه من أول الرسالة هو اللي تستمر عليه لاخر الرسالة، وهي اللي تلتزم بيها ف قائمة المراجع.. 

2. المرجع بيذكر كااااامل (اسم المؤلف كامل، واسم الكتاب، والتحقيق، والطبعة، ودار النشر، وسنة النشر، بالإضافة للجزء والصفحة) أول مرة تجيب سيرته فيها بسسسس 

بعد كدة بتذكره باختصار اسم الكتاب باختصار لو كبير واسم المؤلف باختصار ورقم الجزء والصفحة فقط.

3. لو منهجك اسم المؤلف ثم الكتاب، طبعا قلنا اول مرة بتكتب المرجع كامل، بعد كدة لازم يبقى اسم المؤلف بردو ف الاول، يعني مينفعش تكتب اسم الكتاب والجزء والصفحة فقط، لازم اسم المؤلف ف الاول طالما ماشي بالمنهج ده.

4. لما تكون الفقرة ليها كذا مرجع بنضع بين المرجع والتاني فاصلة منقوطة ؛ 

5. لما يكون مفيش سنة نشر بنكتب بين قوسين [بدون سنة نشر] ولما يكون مفيش عدد للطبعة بنكتب [الطبعة: بدون] قد تكون في مناهج مش بتتطلب النقطة دي! ادرس المنهج اللي هتمشي عليه كويس،،، سواء كان من اختيارك أو المشرف ملزمك بمنهج محدد.

6. كلمة (المرجع السابق) مش بنكتبها غير لما يكون السابق ده ف نفس الصفحة، لكن مش نكتبها ويكون السابق ده ف الصفحة ال قبلها.

7. في قائمة المراجع ف اخر الرسالة الفواصل بتتحول لنقاط –غالبا- يعني لو بين اسم المؤلف واسم الكتاب فاصلة ف الحواشي.. ف قائمة المراجع بتكون نقطة وهكذا مع أي فاصلة ماعدا اللي بين اسم الشهرة واسم المؤلف.

8. مينفعش يبقى المرجع 1 ف الصفحة اللي قبلها، يعني لو الصفحة ضاقت لدرجة انها لا تكفي ذكر المرجع والورد نزل اسم المرجع ف الصفحة ال بعدها وعمل فوقه سطر كبير، الافضل اضبط الفقرة اللي فيها المرجع بحيث يطلع فوق او هي تنزل تحت.

لكن لو الحاشية فيها مراجع كتير او كلام كتير ولازم هيكمل ف الصفحة ال بعدها هنا بنضيف ف نهاية الكلام اللي ف الصفحة ال قبلها علامة = وبداية الكلام ف الصفحة اللي بعدها علامة = 

النقطة دي لو مش واضحة ننزلها صور.

===============

ده تقريبا هيكون اخر بوست ف تنسيق الرسايل.. لو في اي استفسار ف اي نقطة ف تنسيق الرسالة محتاجة شرح وتوضيح او محتاجة تنزل ف بوست آخر .. اتفضلوا.. 

البوستات السابقة مهمة جدا بالاضافة لهذا البوست ..

منقول من
أرجو رحمتك‎ 

من جروب الدراسات العليا 

ازي انسق رسالتي 

ازي انسق رسالتي 2