ازي انسق رسالتي 2

أولاً: هتفتح ملف جديد اللي هيكون للرسالة كاملة، هتضبط الهوامش اليمين واليسار والأعلى والأسفل حسب المتعارف عليه في الجامعة نفترض ان اليمين واليسار 3 وأعلى وأسفل 2.5 سنتم.. الصورة رقم 1 بتوضح ازاي نضبطها..

ثانيًا: هتضيف الغلاف وصفحة الإهداء، والبسملة، والشكر والتقدير بدون ترقيم..

ثالثًا: سواء هتضيف المقدمة اللي فيها خطة الدراسة، أو هتضيف فهرس المحتويات بالبداية، أيا كان اللي هتبدأ بيه الترقيم (أ، ب، ج..) أو (a, b, c…) أو الحروف اللاتينية (I, ii, iii) هتعمل الخطوات الآتية:

1. من الصورة رقم 2 هتعمل بداية صفحة جديدة علشان تنسيقها يختلف عن ال قبلها

2. من الصورة رقم 3 تضغط اتنين كلك اسفل الصفحة عند الجزء اللي بيكون فيه الترقيم وتخلي المؤشر واقف فيه زي ما الصورة موضحة ومن القائمة ال فوق تلغي ارتباط الصفحة بالسابق زي ما الصورة موضحة

3. من الصورة رقم 4 هتضبط الترقيم ال هتختاره (أ، ب، ..) أو أيا كان اللي هتختاره

4. من الصورة رقم 5 تضيف ترقيم الصفحة زي ما اختارته

كدة هيبقى عندك أول كام صفحة بدون ترقيم والصفحات اللي بعدها بالترقيم اللي ضفته..

=========

رابعًا: لو كانت دي المقدمة وعاوز تكتب من فوق كلمة (المقدمة) هتضغط اتنين كلك ع الجزء اللي فوق حتى يظهر المؤشر وتلغي ارتباطها بالسابق وتكتب الكلمة زي ما الصورة رقم 6 موضحة ده

*ولو عايز كلمة المقدمة تحتها سطر نعمل زي الصورة رقم 7

========

خامسًا: كدة هنبدأ ف الفصل الأول: ازاي نضبط الفصل الأول: 

*هتعمل مرة تانية بداية صفحة جديدة بالطريقة اللي ف الصورة رقم 2 

وننقل الفصل الأول ف الملف

هتلاقي ان الصفحات بدأت الترقيم أبجدي او زي ما كنت عامله وكمان من فوق مكتوب المقدمة نعمل اي عشان نضبطها؟

1. هنضغط اتنين كلك عند رقم الصفحة هنلاقي علامة الترابط ظهرت نلغيها زي ما وضحنا ازاي نلغيها ف الصورة رقم 3 ونضغط كلك يمين ونعدل الترقيم زي ما الصورة رقم 8 موضحة ونبدأ الترقيم برقم 1

2. هنيجي عند كلمة المقدمة ونلغي الترابط –مننساش النقطة دي- ونمسح كلمة المقدمة ونضع اسم الفصل زي ما موضح في صورة رقم 9

3. لو عندنا ف بداية الفصل عايزين تبقى في صفحة بدون ما يظهر فيها ترقيم ومكتوب فيها الفصل الأول ومحتوياته هنيجي عندها ونضغط اتنين كلك فوق أو تحت ونختار صفحة أولى مختلفة زي ما الصورة رقم 10 موضحة

طيب نفترض ان الفصل الأول 70 صفحة واحنا دلوقت هنبدأ في الفصل الثاني:

هنعمل نفس الخطوات اللي عملناها ف الفصل الأول: نعمل بداية صفحة جديدة صورة رقم 2، ثم نضيف الفصل، ثم نلغي الترابط ونعدل الترقيم ونلغي الترابط من فوق ونعدل اسم الفصل (صورة رقم 3 الغاء الترابط، صورة رقم 8 و 9 تعديل الرقم واسم الفصل).

لكن نلاحظ واحنا بنعدل الرقم اننا نبدأ برقم 71 – يعني الرقم ال مفترض يكون ببداية الفصل التاني- ودي توضحها صورة رقم 11

ملحوظة:: الصفحة الأولى من الفصل ال بنخفي ترقيمها بتكون محسوبة ترقيم لو نظام الجامعة مش بتتحسب ترقيم ممكن نرقمها بنفس رقم الصفحة ال قبلها.. يعني ابدأ من 70 مثلا.

===========

**خلص الفصل التاني. . هنعمل الفصل التالت والرابع وهكذا بنفس الطريقة زي ما عملنا الفصل الأول... نيجي عند المراجع هنعمل نفس الطريقة نفس الخطوات ونكتب قائمة المراجع من فوق .. 

وف كل مرة ننتبه الفصل انتهى عند رقم كام ونبدأ من الرقم اللي بعده ...او من نفس الرقم لو هتخفي ترقيم اول صفحة ومش هتحسبها..... الفهارس نفس الكلام بنفس طريقة اضافة الفصول ..

**بالنهاية بنضع الملخص نفس الخطوات لكن الملخص بيبدأ من رقم (1، 2، ..) عربي أو الحروف اللاتينية انجليزي أو حسب المتعارف عليه في الجامعة.

========

**الفكرة كلها قايمة ع نقطتين بداية صفحة جديدة بتنسيق جديد بالطريقة ال وضحناها + إلغاء الترابط بينها وبين اللي قبلها .. لو استوعبنا النقطتين دول كويس جدا مش هتقف ادامنا أي حاجة ف موضوع الترقيم

=======

انتهيت من الرسالة وعايزين نحولها pdf من قائمة file نختار save as ثم نختار pdf زي الصورة رقم 12 ما موضحة ذلك.