قبل ماتقرء المقال المقصود علي دورة كممثل وليس كشخص يعني مثلا لو قلنا متخلف او عبيط المقصود بادورة في التمثيل وليس في الحقيقة قيس علي كدة بقي المقالة واقرء للاخر وهتتفاجئي
عارف انتا مستر بيين MR Bean العبيط المتخلف ده ؟ اللي علي طول ساكت ايوة هوا ده؟ الشخصية الكوميدية الهزلية المشهورة بمواقفه الغبية اللي اتشهر في العالم كله والناس كلها قلدته؟ اكيد عدي عليك في حلقة او اتنين وضحكت ع تصرفاته التافهة يعني اصل مفيش حد في العالم ميعرفوش،
ضحكت عليه قبل كدة؟ افاجأك ..
الممثل اللي ابتكر الشخصية دي ومثلها اسمه Rowan Atkinson، وهو مصنف ب IQ Score او بمعدل ذكاء 178 درجة، ومصنف كونه Super Genius ومحطوط بين نسبة البشر الاذكياء 0.1% من البشر كلهم في العالم، تخيل؟ : https://www.iq-test.net/what-is-rowan-atkinson-iq-score-pms…
روان اتكينسون هو مش مجرد ممثل مضحك، هو خريج جامعة نيوكاسل في الهندسة الكهربية، وواحد الماجستير بأرفع الدرجات من جامعة اكسفورد عن ضبط انظمة التحكم الذاتي وليه ابحاث فيها، يعني خريج جامعتين وكان شغال عالدكتوراه لولا حبه للتمثيل.
من كتر ذكاؤه الغريب، في مرة كان في اجازة لكينيا مع مراته وولاده، وركب طيارة بمحرك واحد عشان يروح نيروبي، وهوا علي ارتفاع ١٦ الف قدم بسرعة ٢٥٠ ميل، الطيار اغم عليه والطيارة بدأت تنحرف عن مسارها، عارف مستر بيين عمل ايه؟ قدر في لحظات انه يفهم ديناميكية عمل الطيارة وقدر انه يحافظ علي ارتفاع الطيارة وهوا عمره ما شافها ولا ساقها لحد ما الطيار فاق بعد مدة من الزمن ونزل بيهم في المطار : https://www.telegraph.co.uk/…/Mr-Bean-flies-plane-after-pil…
الغبي اللي دايما بيضحكنا ده هو واحد من اغني الممثلين في العالم، تقدر ثروته ب١٣٠ مليون دولار من التمثيل بس، وده خلي عنده هواية جمع العربيات الغالية، ايوة مستر بيين صاحب العربية الخضرا اللي كان بيربط فيها الكرسي من فوق دي لو تعرفها او ضحكت عليها، عنده كمية عربيات الواحدة منها تحقق احلامك كلها : https://wealthygorilla.com/rowan-atkinson-net-worth/
مستر بيين هو صاحب فكرة الشخصية دي، ولانه كان بيتهته في الكلام شوية من ايام اعدادي اختار انه يخلي الشخصية دي صامتة وكان بيرفض يخرج في لقائات تليفزيونية للسبب ده، مع انه مشهور بشخصية مستر بيين الا انه متحدث لا يعلي عليه وكان شغال فترة كبيرة في راديو بي بي سي وخطيب بارع، وهوا اللي عمل صوت زازو او زقزوق في فيلم الاسد الملك lion king، وضيف علي كدة انه كاتب سيناريو ومؤلف وممثل مسرحي من الطراز الاول والتراجيدي كمان وليه بعض الادوار منها انه شارك جون كونري في فيلم جيمس بوند never say never again سنة ١٩٨٣م
ضيف علي كدة انه واخد لقب commandor من البرنس ويليام يعني كمان معاه لقب ملكي بسبب شغله في التمثيل، واختير ضمن افضل ٥٠ كوميديان في تاريخ بريطانيا كلها، ومن القليلين اللي تم اختيارهم لحضور الroyal wedding او الزواج الملكي اللي مبيحضروش اي حد، بجانب عمله في السياسة وقيادته لمظاهرة للبرلمان قبل كدة، وكمان اختير لافتتاح اوليمبيات لندن العالمية سنة ٢٠١٢م 



https://youtu.be/CwzjlmBLfrQ
بعيدا عن كل ده، كنت تتوقع ان مستر بين يطلع من وراه كل ده؟ متخيل ان شخصيته اللي طول عمره بيمثلها عي النقيض تماما لشخصيته الحقيقية؟#cpd

جديد قسم : اهم الشخصيات المؤثرة