كيف تستخدم المضارع التام؟
باختصار المضارع التام له 3 حالات تستخدمه فيهم
1- لما تحب تتكلم عن شيء حصل في الماضي من غير ما تقول امتي بالظبط حصل زي لما تقول
I have been to Brazil three times before.
انا روحت البرازيل 3 مرات قبل كدا
هنا مش بقول انا روحت امتي بالظبط.
لو عايز تقول روحت امتي بالظبط استخدم الماضي البسيط
I went to Brazil in 1998.
2- لما تتكلم عن شيء حدث في فترة زمنية قريبة و له نتيجة علي الوقت الحاضر
Ahmed has arrived at the house.
هنا المعني ان احمد وصل خلاص بس هو موجود في المنزل ، خلي بالك انه لسا في البيت يعني. لو انت مش عارف اذا كان في البيت او لا استخدم الماضي البسيط
Ahmed arrived at the house.
هنا انا معرفش هو لسا في البيت ولا لا ، لان الماضي البسيط بيعبر عن شيء حدث في الماضي و انتهي و مفيش علاقة بالوقت الحاضر.
3- لما تتكلم عن احداث في فترة زمنية غير منتهية ، نشوف مثال اسهل
I haven't seen Ahmed today
الفترة الزمنية غير المنتهية يعني يعني مثلا اليوم دا او الاسبوع دا او الشهر دا
Today, this week, this month and this year...
هنا انا بقول اني اليوم مشوفتش احمد ، اليوم بتكلم يعني انه لسا مش انتهي و اني لغاية دلوقتي مشوفتش احمد.
حتي ever بتستخدم بس فهمها ممكن يكزن صعب شوية ، لما نقول
Have you ever been to Brazil?
هل عمرك روحت البرازيل؟ في حياتك يعني ، الفترة غير المنتهية هنا هي حياتك ربنا يديكم الصحة و العمر
و لما تفكر فيها هتلاقيها منطقية انها فترة غير مكتملة لسا.
و لما تفكر فيها هتلاقيها منطقية انها فترة غير مكتملة لسا.
فيه لسا حاجات تانية بس حبيت اختصر الموضوع اختصار شديد
لو فهمته اعمل شير و فيد غيرك ولو عايز توضيح اكتر قول اعمل بث مباشر و مشاركة كبيرة
تعليقات: 0