Easy World of English
والموقع ده بسيط جدا وشكله جميل وفيه شويه معلومات ممكن تلمهم في اسبوع مذاكرة بجد بس هيعملوا معاك فرق كبير خصوصا في النطق

Many Things
الموقع باين من اسمه "حاجات كتير" فيه كل حاجة ممكن تخطر علي بالك قراءة واستماع وقواعد والعاب وعاميه الموقع كشكل مفهوش بهرجة والوان بس موقع محتواه غني جدا ومفيهوش اعلانات ودى ميزة عظيمة. 
كمان فيه جزء حوالي ٢٥٠ صفحة كلمات وجمل عربي انجليزي وفيها نطق هحط اللينك عليها مباشرة

Dave's ESL Cafe
منتدى عالمي للمدرسين ومتعلمي اللغة الإنجليزية كلغة ثانية في جميع أنحاء العالم. فيه طبعا مصادر بس هيكون كويس جدا لمدرسين اللغة الانجليزية

 ABCYa
الموقع ده لتعليم الاطفال انجلش مرتب من اول الحضانه لغاية الصف الخامس بس ينفع مع اي حد حتى لو كبار مسلي ولطيف 

 GCF Learn Free
ده موقع لطيف وتفاعلي فيه دروس بتاعة Every day life الحاجات اللي ممكن تحتاجها يوميا
بالاضافة لموضوع الانجليزي هو كمان فيه ممكن تعرف حاجات مواضيع كتير مثلا الكمبيوتر وانظمة التشغل بس الموقع ده هيفيد الناس اللي بتفهم انجليزي بقدر معقول مش للمبتدئين

Language Guide
ده قاموس انجليزي مصور ومسموع يعدى الماوس علي الصورة ينطقلك اسمها بالاضافة اني جايبلكم اللينك مباشر علي النسخة العربي من الموقع اظن مفيش دلع بعد كده 

جديد قسم : تعلم الأنجليزية