-->

نصيحة لو مقبل علي تعلم اللغة الانجليزية


1- تربيه ولا اداب؟
 2-اكمل دراسات عليا ولا اخد سيلتا؟
 3- ينفع لو انا مش متخصص اشتغل مدرس؟
(اجاباتى للاسئله راى شخصى. وكل شخص ليه الحريه يختار. انا بس بنقل تجربتى)

===============================
1- تربيه ولا اداب؟
- متفرقش!! 
- اختار اى كليه تعجبك مش هتفرق .. الكليتين مش هيرفعوا مستواك فى اللغه ولو انت تربيه او اداب وبعدها درست تربوى برده مش هتفيدك اوى فى مجال التدريس

- مواد التخصص كلها عباره عن معرفه باللغه او بالادب .. يعنى معلومات بتقراها وتحفظها وتكتبها فى الامتحان ... زيها زى التعليم الى حصلنا عليه طول عمرنا فى مجال اللغه .. معرفه بدون مهارات او تطبيق .. فبتكون تعرف معلومات بس مفيش مستوى لغه ولا مهاره
- مثال بسيط: ماده زى الصوتيات . تقول للطالب اوصفلى اصوات تلاقيه يكتبلك مقالات رائعه مفصله عن الاصوات.. لكن لما تيجى تتلكم هتلاقيه مبينطقش اصلا صح .. ففى فرق بين المعرفه والمهاراه او القدره على التطبيق
- فى مجال طرق التدريس .. برده بتدرس معلومات بتتحفظ وتتكتب لكن مفيش قدره ان حد يدخل فصل ويدرس . ولما بيتخرج بيدور على حد يساعده فى الديمو وغيره .. ومش هتكلم عن التربيه العملى الى ملهاش اى لازمه
- طيب ايه الحل؟؟؟
- طور من مستواك فى اللغه .. اشتغل على نفسك فتره الدراسه فى اى كليه حتى لو تجاره . .فى طريق كتير كورسات فى مكان رخيص وكويس تثق فيه ولازم يكون المدرس او المسئول عن المكان على الاقل معاه سيلتا .. او ذاكر لوحدك

لو محتاج تعرف ازاى تطور من مستواك فى اللغه اقرا الكلام اللي جاي دة كويس جدا
لو محتاج كتب ترفع من مستوى اللغه عموما .. دى كتب Collins فى المهارات الاربعه .. هتساعد فى رفع مستوى اللغه وفى التحضير للايلتس .. ومناسبه لو هتذاكر لوحدك بدون مدرس
بس طبعا فى مهارات الكتابه والتحدث خاصه هتحتاج حد متخصص يساعدك فى التدريب ويديك feedback او تقييم لمستواك ومدى تقدمك

Collins Writing

Collins Listening 
CDs

Collins Reading
#AbanoubAziz

Collins Speaking
CDs


====================================
2-اكمل دراسات عليا ولا اخد سيلتا؟ 
هسال سؤال . هل انت استفدت حاجه من وجودك اربع سنين فى الكليه (تربيه او اداب)؟
- لو الاجابه "ايوة" يبقى مفيش مشاكل .. كمل فى الدراسات العليا 
- لو "لا" تبقى غلطه كبيره لو كملت ... بتدفع فلوس وبتضيع وقتك فى حاجه انت متاكد انها مش هتفيدك

- لو انت لسه محتار .. هقولك روح لاى حد معاه سيلتا .. واحضر معاه حصه .. او روح ال British Council واحضر حصه هناك او مستوى .. وقارن ده بالمدرسين فى الكليات وشوف مين احسن فى مستوى المعرفه والمهارات كمان ..
انا عملت ده ولقيت ان فعلا كان حضور المحاضرات فى الجامعه كان تضييع وقت بس كنت مضطر لانى كان لازم انجح .. وشكرت ربنا انى اشتغلت على نفسى وقت الكليه ومكنش اعتمادى على المحاضرات والكتب
===================================
3- ينفع لو انا مش متخصص اشتغل مدرس؟
- الاجابه .... (((اه .. ينفع )))
- ازاى ؟؟ ده الى مش متخصص ده محضرش محاضرات صوتيات (الى ملهاش لازمه) وميعرفش ال features of connected speech الى هى سر محدش يقدر يعرفه الا قله قليله مختاره قدرت تحضر محاضرات دكتوره سعاد فى جامعه طنطا فى مدرج حقوق؟؟َ!! (طبعا ده بقى بينطبق على باقى مواد التخصص بس انا قلت اتكلم فى الصوتيات كمثال)
- الرد على الكلام العجيب ده: ان المعرفه متاحه فى كل مكان.. النت موجود فيه كل حاجه .. قرايه ودراسه مجموعه كتب زى دى كفيله بانك تكون عندك المعرفه المطلوبه وفى نفس الوقت تطور من مهاراتك لو استغليت الكتب صح .. اقصد يعنى متعاملتش معاها على انها مجرد معلومات ميته ملهاش علاقه بالتطبيق (الى للاسف بيتعلمه المتخصص الى بيدرس فى جامعه تخصصيه)
Better English Pronunciation 

English Phonetics and Phonology: A Practical Course

Sound Foundations: Learning and Teaching Pronunciation

How To Teach Pronunciation by Gerald Kelly
How to Teach Listening by J J Wilson
Teaching the Spoken Language - Cambridge University Press
- فى ناس خريجين كليات تخصص وميعرفوش اساسيات التخصص .. وفى طبعا ناس قويه جدا بس معتمدوش على الكليه ... وده يثبت وجهه نطرى .. ده على اساس خبرتى على الاقل ...
- وفى المقابل فى ناس خريجين جامعات تانيه واقوى بمراحل .. 
خد الدليل ده: معظم .. نسبه 90% من مدرسى المعهد البريطانى الى اشتغلت معاهم وعرفتهم شخصيا خريجين كليات تجاره وصيدله وطب .. والله طب .. اعرف واحد عنده 
40 سنه ... دكتور .. ساب المهنه واخد السيلتا .. والله مستواه ومعرفته اقوى بمراااااااااااحل من ناس بتدرس مناهج وميعرفوش الا محتوى المنهج
منقول من 

Abanoub Aziz

جديد قسم : تعلم الأنجليزية